Este ano a Fundación Educativa Ana Mogas está a organizar a realización do II CAMIÑO DE SANTIAGO. O Camiño é unha grande experiencia humana e cristiá para todos polos valores que se traballan e adquiren día a día sendo peregrinos en familia. Está destinado a alumnos de 2º de bacharelato, antigos/as alumnos/as vinculados á Fundación Educativa, profesores/as e PAS dos Colexios, relixiosas da Congregación FMMDP, membros do Voluntariado Misioneiro e da Asociación María Ana Mogas (AMAM).
A ruta que se vai realizar é a do “Camiño de Santiago Mozárabe”, dende Ourense ata Santiago (105 km), e estará secuenciada en diversas etapas entre os días 3 e 9 de xullo de 2022:
- Día 3 de xullo: aloxamento en Ourense
- Día 4 de xullo: etapa Ourense – San Cristovo de Cea → 21 km
- Día 5 de xullo: etapa san Cristovo de Cea – Lalín → 34 km
- Día 6 de xullo: etapa Lalín – Bandeira → 20 km
- Día 7 de xullo: etapa Bandeira – Boqueixon (Lestedo) → 19.75 km
- Día 8 de xullo: etapa Lestedo – Santiago de Compostela → 16 km
- Día 9 de xullo: día en Santiago e volta
A pernocta e o aseo no transcurso da ruta terán lugar en polideportivos previamente concertados. Ademais empregaranse, como infraestrutura, furgoneta de apoio e coche vasoira (nunca destinadas a transportar equipaxe persoal)
No caso de estar interesados, é necesario facer unha solicitude de reserva de praza, dado que as prazas son limitadas. Pódese facer mediante o código QR da imaxe principal.
