ANAMO son os grupos cristiáns dos centros das «Franciscanas Misioneras de la Madre del Divino Pastor» cuxo obxectivo é a maduración da fe nas persoas. Entendido como proceso, grupo ou camiño ANAMO é algo que parteda realidade das persoas, das súas experiencias e vivencias e que se inspira nos trazos de identidade franciscanos.

METODOLOXÍA DE TRABALLO

• REUNIÓNS, ENCONTROS E ACTIVIDADES DE GRUPO

Partimos da realidade, ou pedagoxía da experiencia. No grupo compartimos a experiencia da amizade, ocrecemento e a identificación cos valores de Xesús; por iso o proceso sistematiza moitos momentos de grupo eprincipalmente a reunión semanal.

• CONVIVENCIAS, ENCONTROS INTERGRUPAIS E INTERCOLEXIAIS

Celebramos a pedagoxía da presenza e da festa, persoal e grupal, activa e participativa, que inclúe a relacióngozosa cun mesmo, cos demais e con Deus.
As convivencias e encontros son momentos fortes que axudan aenriquecer a vivencia diaria de forma gozosa e comprometedora. Ademais estas actividades crean lazos decomuñón cos outros grupos e provocan unha maior identificación co proceso e os seus obxectivos. Nelas,reflexionamos a través de diferentes dinámicas a necesidade de ser os primeiros en distintos valores:xenerosidade, respecto, escoita, convivencia, sinceridade, etc.

• CELEBRACIÓNS E INICIACIÓN SACRAMENTAL

Iluminamos coa Palabra, ou pedagoxía bíblica.

Festexamos a vida como lugar de encontro con Deus e cos demais.

Expresamos xuntos soños, medos, ilusións… á luz da palabra. Iniciamos á oración e ao silenciopersoal. Lectura, comprensión e interiorización da Palabra de Deus, encontro con ela e con Deus, segundo a etapa do proceso.