A campaña do DOMUND 2024 chega ao noso colexio durante a presente semana con dinámicas orientadas a coñecer máis de preto o importante labor dos misioneiros. Unha xornada que ademais de celebrarse en todo o mundo o vindeiro 20 de outubro pon de manifesto a necesidade de colaboración coas misións.
Baixo o lema deste ano «Ide e convidade a todos ao banquete» o papa Francisco inspirándose na parábola do banquete de vodas fainos partícipes da fraternidade con tenrura e caridade. Con esta mensaxe presente e diversas propostas o alumnado afondará durante estes días na solidariedade e no compromiso cos demais.
